Os factores de risco son aquelas circunstancias, características, actitudes e mesmo valores que, de existir, incrementan a probabilidade de consumir drogas. Homes e mulleres temos factores de risco comúns e outros asociados ao noso propio sexo. Neste senso as mulleres, debido a razóns fundamentalmente socioculturais, temos asociados certos factores de risco que poden incrementar a posibilidade de iniciar ou consolidar o consumo de drogas.
FACTORES INDIVIDUAIS
- Trastornos afectivos de tipo depresivo.
- Baixa autoestima e frustración.
- Estrés e ansiedade de orixe laboral.
- Dobre ou incluso tripla xornada laboral.
- Problemas e insatisfacción nas relacións afectivas e sexuais.
- Sensación de soidade e baleiro emocional.
- Trastornos alimentarios.
- Familia monoparental (sobrecarga).
- Presión exercida polo home, percepción de ser un obxecto posuído.
- Acontecementos vitais traumáticos (abusos, malos tratos, enfermidades...).
FACTORES FAMILIARES
- Parella con trastornos por abuso de substancias.
- Conflictos na parella ou distanciamento familiar.
- Separacións ou divorcios.
- Pai e/ou nai consumidores de drogas.
- Estilo educativo paterno/materno.
- Consumo de drogas na familia.
- Patoloxías mentais na familia.
- Perda traumática de familiares.
- Violencia familiar e/ou de xénero.
- Crise de identidade trala independencias dos fillos.
FACTORES SOCIAIS
- Relación con persoas consumidoras de drogas.
- Sensación de sobrecarga física ou emocial laboral e familiar.
- Ausencia de espazos para o desenvolvemento persoal, Ocio inadecuado.
- Temor ao rexeitamento social.
- Imitación de condutas masculinas para sentirse máis incluída e con posibilidade de ascenso ou consolidación nas esferas públicas (sociais e laborais).
- Ausencia de participación cidadá e illamento social.
MOTIVACIÓNS PERSOAIS
- Sentir pracer, estar a gusto, divertise.
- Aumentar a sociabilidade e diminuír a timidez.
- Ser aceptada ou valorada pola parella.
- Evitar ou aminorar os sentimentos de tristeza, dor emocional, baleiro, soidade e/ou frustración.
- Diminuír o estrés, evadirse da sobrecarga.
- Incrementar a capacidade de traballo.
- Diminuír o sentimento de minusvalía.
- Agochar efectos doutras patoloxías.
